የኢኮኖሚ የቀን መቁጠሪያ (ካሌንደር)

የኢኮኖሚ የቀን መቁጠሪያ ምንድን ነው?

ኢኮኖሚያዊ የቀን መቁጠሪያ ሁሉንም አስፈላጊ ኢኮኖሚያዊ ክስተቶች የሚዘረዝር መሣሪያ ነው። አንዳንድ የቀን መቁጠሪያዎች አስፈላጊ አመላካቾችን፣ ኢንዴክሶችን እና ደረጃዎችንም ያካትታሉ።

የ JustMarkets ኢኮኖሚያዊ የቀን መቁጠሪያ የሚከተሉትን ያቀርባል፦

• ከ 1000 በላይ የኢኮኖሚ ክስተቶች፤
• ከ 50 በላይ ለሆኑ ሀገራት የቀጥታ እውነተኛ ጊዜ ክትትል፤
• በክስተቱ ተጽዕኖ መሠረት የተደረገ ምደባ፤
• ባሉበት ቦታ ላይ በመመስረት ሊስተካከሉ የሚችሉ የሰዓት ዞኖች፤
• የአንድሮይድ እና የ iOS መተግበሪያዎች።

ከመላው አለም በሚገኙ በሚሊዮኖች የሚቆጠሩ ጋዜጠኞች እርዳታ የቀን መቁጠሪያውን በመደበኛነት እናዘምናለን። መረጃው በቀን 24 ሰዓት፣ በሳምንት 5 ቀናት በቀጥታ ይገባል። ምንም ቢፈጠር፣ ሁልጊዜም የቅርብ ጊዜ ዜናዎች እና በጣም ጠቃሚ መረጃዎች እንዲኖሩዎት እናረጋግጣለን።

የኢኮኖሚ ክስተቶች ምንድን ናቸው?

የኢኮኖሚ ክስተቶች ማለት የፎሬክስ ዋጋዎች ላይ ተጽዕኖ ሊያሳድሩ የሚችሉ የዜና መግለጫዎች፣ የሪፖርት ህትመቶች፣ የመንግስት ባለስልጣናት መግለጫዎች እና ሌሎች የሚዲያ ዘገባዎች ናቸው።

ታዋቂ ከሆኑ የኢኮኖሚ ክስተቶች ጥቂት ምሳሌዎች እነሆ፦

• የጠቅላላ የሀገር ውስጥ ምርት (GDP) ሪፖርት ህትመቶች፤
• የ FOMC (የፌዴራል ክፍት ገበያ ኮሚቴ) ቃለ-ጉባኤ ህትመት፤
• የስራ ክፍተቶች እና የሰራተኞች ዝውውር ጥናት ወቅታዊ መረጃ፤
• ስለ ዋናው የወለድ መጠን የአውሮፓ ማዕከላዊ ባንክ (ECB) ፕሬዝዳንት ንግግር፤
• ዩናይትድ ኪንግደም ከአውሮፓ ህብረት መውጣቷን በሚመለከት የብሪታንያ ፓርላማ ድምጽ አሰጣጥ።

ከእነዚህ ክስተቶች ውስጥ ሁሉም ክስተቶች እኩል ኃይል (ተጽዕኖ) የላቸውም። ነገር ግን እያንዳንዳቸው ኢኮኖሚያዊ ጠቀሜታ አላቸው እናም በገበያው ላይ ተጽዕኖ ማሳደራቸው እና የግዢ ወይም የሽያጭ ማዕበል መፍጠራቸው እርግጥ ነው።

ነጋዴዎች ኢኮኖሚያዊ የቀን መቁጠሪያ ለምን ያስፈልጋቸዋል?

ኢኮኖሚክስ በእውነተኛው ዓለም ክስተቶች ከፍተኛ ተጽዕኖ የሚደርስበት የትምህርት ዘርፍ ነው። የኢኮኖሚክስን መርሆች በተግባር የሚጠቀመው የፎሬክስ ትሬዲንግ ደግሞ የዚህ ማረጋገጫ ነው። ስለዚህ የሂሳብ ስሌቶች እና ሌሎች የዋጋ እንቅስቃሴ (Price Action) ስርዓቶች አብዛኛውን ጊዜ አስተማማኝ ቢሆኑም፣ በእውነተኛው ዓለም ውስጥ ትልቅ ነገር ሲከሰት ብዙም ጥቅም አይኖራቸውም።

የኢኮኖሚ የቀን መቁጠሪያዎች ለበለጠ ትንታኔ የሚሆን መረጃ የሚያቀርቡ ሲሆን፣ የፎሬክስ ገበያ ወደፊት የሚወስደውን አቅጣጫ ለመተንበይ ይረዳሉ። እነዚህም በዋነኝነት የሚገለገሉባቸው መሠረታዊ ትንታኔን በሚከተሉ ሰዎች ነው። አንዳንድ የፎሬክስ ትሬዲንግ ስልቶች፣ ለምሳሌ፣ ስካልፒንግ (scalping)፣ በገበያዎች ላይ የሚፈጠረውን ሁከት ለመገመት እና ያንን በመጠቀም ግብይት ለማድረግ የኢኮኖሚ የቀን መቁጠሪያዎችን በመጠቀም ላይ የተገነቡ ናቸው።

ሆኖም ግን፣ መሰረታዊ የኢኮኖሚ ትንታኔን (fundamental analysis) ባይወዱም እና የዋጋ እንቅስቃሴ (Price Action) ስልቶችን ቢከተሉም፣ ገበያው መቼ በእውነተኛው ዓለም ክስተቶች ተጽዕኖ ሊደርስበት እንደሚችል ለማየት የኢኮኖሚ የቀን መቁጠሪያን አሁንም መጠቀም ይችላሉ።

የኢኮኖሚ የቀን መቁጠሪያን እንዴት መጠቀም ይቻላል?

የ JustMarkets ኢኮኖሚ የቀን መቁጠሪያ ከንግድ ጋር የተያያዙ ሁሉንም ክስተቶች በጊዜ ቅደም ተከተል ይዘረዝራል።

• የመጀመሪያው ረድፍ (አምድ) ክስተቱ የሚካሄድበትን ትክለኛ ቀን እና ሰዓት ይገልጻል፤
• ሁለተኛው ረድፍ ክስተቱ እስኪጀምር ምን ያህል ጊዜ እንደቀረው ይዘረዝራል፤
• ሦስተኛው ረድፍ የክስተቱን ስም፣ እንዲሁም ክስተቱ የሚካሄድበትን ሀገር ባንዲራ ይዟል፤
• አራተኛው ረድፍ ክስተቱ በገበያው ላይ ምን ያህል ተጽዕኖ እንደሚኖረው እና ምን ያህል የዋጋ
• መዋዠቅ ሊያስከትል እንደሚችል ያብራራል፤
• አምስተኛው ረድፍ ክስተቱ በምንዛሬው አቋም ላይ ያመጣል ተብሎ የተጠበቀውን ለውጥ ያሳያል፤
• ስድስተኛው ረድፍ አስፈላጊ ከሆነ የተጠበቀውን መግለጫ ይከልሳል፤
• ሰባተኛው ረድፍ የሚሞላው ክስተቱ ካለቀ በኋላ ብቻ ሲሆን በምንዛሬው ላይ ያሳደረውን ትክክለኛ ተጽዕኖ ይዘረዝራል።

እንዲሁም ስለእያንዳንዱ ክስተት ማብራሪያ፣ በተጨማሪም ስለእሱ የበለጠ መረጃ ማንበብ የሚችሉበትን ማስፈንጠሪያ (ሊንክ) ለማየት በእያንዳንዱ ክስተት ላይ ነካ ማድረግ ይችላሉ።

ማስታወሻ፦ ዋና ዋና ምንዛሬዎችን ብቻ የሚነግዱ ከሆነ እና የራስዎን ትንታኔዎች ማካሄድ ካልፈለጉ – የእኛን የገበያ አጠቃላይ እይታዎችን እና የዕለታዊ እይታዎችን ይመልከቱ። እነሱ በጣም አስፈላጊ የሆኑ ክስተቶችን ይዘረዝራሉ፣ እንዲሁም ገበያውን በትክክል እንዴት እንደሚነኩ ያብራራሉ።

አግባብነት የሌላቸውን (የማይጠቅሙ) ክስተቶች እንዴት ማጣራት ይቻላል?

በጣም ብዙ አግባብነት የሌላቸው ክስተቶች አሉ ብለው ካሰቡ – አይጨነቁ፣ የማይፈልጓቸውን ማጣራት ይችላሉ። ይህንን ለማድረግ፣ “ተጨማሪ” በሚለው አዝራር ላይ ነካ ያድርጉ እና የማጣሪያ ቅንብሮቹን ያስተካክሉ።

እዚህ በአሁኑ ጊዜ የማይገበያዩባቸውን ምንዛሬዎች፣ እንዲሁም እርስዎ ሊከታተሏቸው የሚያስችል በቂ የዋጋ መዋዠቅ የማያስከትሉ አነስተኛ ተጽዕኖ ያላቸውን ክስተቶች ማስወገድ ይችላሉ።